Hoxe, o servedor de MyOpera estivo escarallado todo o serán, e non puiden entrar no blog.
Unha escusa mais para me mudar.
A fundamental é que este enderezo é mais doado, así que ano novo, vida nova.
Deixarei ligazóns dun blog ó outro, e se podo pasarei o que teño alí para este.
Novamente, que teñades un bo ano 2006.
chuzame - Unha pequena xoia da animación. Feita cun estilo de traballo similar en parte ós iniciais filmes de Star Wars é unha curtametraxe para concienciarnos en favor da agricultura biolóxica. Ten o inconvinte para os que non entendades o inglés de estar nesa lingua, ainda así penso que paga a pena botar unha ollada:eyes: aquí Deixei un album cas fotos das persoaxes por se as queredes mirar.
Toda esta creación está feita por Free Range Graphics
Outra das súas creacións é the meatrix e desta hai unha versión nun idioma similar o castelán. Se despois queredes deixar de comer porco eu non teño a culpa, avisados quedades. :yuck:
Por último, tende coidado esta noite:insane: , xa sabedes que se vos pasades o ides lamentar á mañá (ou mais probablemente á tarde) Pero por enriba de todo pasádeo ben :hat: e xa sabedes o que dicía Stevie Wonder 
que os cegos e os bébedos non conduzan.
Que teñades un bo ano :cheers:
chuzame - Ainda que o ser de Vigo debería deixar dito que vin, mirei e vencín.
A selección galega xogou en San Lázaro:jester:. Estivo bonito. Non é algo que teña importancia real, pero gustoume. Ainda que non o vira mais que un anaco.
Lembro varias veces en Balaidos sendo neno, cantando todos xuntos o himno galego. Supoño que sería nunha festa por algún ascenso. É unha sensación difícil de explicar, moi emocionante.
¿Sería por iso que Otero e Míchel eran os únicos que na TVG se lles veía cantar o himno?
Envexo ós que estaban en San Lázaro, porque cantar un himno con sentimento ó mesmo tempo que outros centos ou miles de persoas é entre outras cousas, moi gratificante.
Déixovos eiquí esta versión do escudo de Castelao que Miguelanxo Prado desinou hai alguns anos, collina da edición en papel de www.vieiros.com que podedes atopar en PDF eiquí
chuzame - Para evitar semellanzas co fulano da Coca-Cola decidín barbearme, que non teño ainda a barba toda branca (non se espallou tanto o vitíligo) pero as canas xa ameazaban con forza así que:
Agora debría ter unha pinta mais ou menos coma esta.
Se isto segue así vou ter que pintarme con chapeu para non ter que debuxar unha calva.
Ainda que o de "papanuel" (eu de pequeno pensaba que se chamaba así) queda moi ben, a verdade é que recorteina de mais e quedara chea de calvas e decidín cortala de todo, así de paso deixaba contenta á miña muller. C´est la vie.
Ben se ve que así estou mais guapo, ¿non si?
chuzame - Benqueridos rapaces e rapazas:
nestas datas tan bonitas teñamos un momento para pensar nos que teñen menos ca nós, fagamos unha pausa reflexiva para facer chegar os nosos bos sentimentos ós outros...
Que bonito, non sei se vou chorar ou golsar*.
Non pensedes que o de antes vai en serio, se algún quere ter bos sentimentos, que os teña todo o ano e que non veña agora lavar a conciencia. Os que sexades uns fillos de puta todo o ano, douvos permiso para seguir sendo igual.
Ainda así propoño ós que fuman que co novo ano tenten deixar o fume, non polo novo ano, senon pola nova lei:D Ou ide facendo un peto por se vos multan:devil:
A pesar de que non teña moito sentido tanto regalo e tanta parida, sabede que me lembro moito de todos vos todo o ano, que desexo que teñades o mellor sempre. E xa que ides estar cas vosas familias, dádelle unha aperta miña ós que coñezo (que xa sabedes quen son)
Tende sentidiño cas paparotas e moito coidado se saides á estrada.
Ó final foi un clásico saudo de noiteboa.
Cousas de se chamar Juan, ó final sempre che sae esa vea clasiquiña do saudo polo nadal. Sabede que eiquí, diante do teclado vou cambiando a a ollada cada pouco, a dereita e a esquerda, coma se fora el-rei.
¡Que bonitiño que é o nadal!
Ben sei que Aser discrepará comigo e que lle gustará o nadal, pero claro, o resto non temos vacacións escolares. ¡Quen as pillara!
*O de golsar, recoñezo que non o vira na miña vida, quere decir vomitar. Perdoade que sexa un listillo, tampouco iso podo evitar.
chuzame - Case unha seman mais tarde do previsto chegan as notas do exame.
Moitos de vos xa saberiades que me examinara o mes pasado. Hoxe recibín o resultado.
:clown: 
:down: 
:no:
Se cadra, xa sospeitades que non foi coma esperaba.
Non me sorprendeu non aprobar, ainda que tiña esperanzas de ter sorte.
Sen embargo, algo si me sorprendeu. Ollade os resultados:
Parte__valor%___RESULTADO
1._____25%______100,00
2._____15%_______79,17
3._____25%_______86,42
4._____15%________2,08
5._____20%______100,00
RESULTADO TOTAL PROBA 78,80 NON SUPERA MINIMO
A nota de corte quedou establecida en: 78,99 puntos
Era imprescindible sacar un 25% alomenos en cada parte, polo que estou descartado ó sacar un 2,08% na cuarta parte.
Conclusión: se estudiara mais a 4ª parte do exame, ainda que fora unha das que menos puntuaban, é probable que conseguira pasar o corte.
Queda mais dun ano para o próximo exame. ¿Qué pode pasar ata entón?
¿Seguirá Corina sendo alcaldesa? ¿e Paco, seguirá con todo atado e ben atado na Coruña?
A ver que pasa.
Por certo, xa están permitidos os comentarios anónimos, os que non poidan, saiban ou queiran rexistrarse poden deixar comentarios. De todas formas facede o favor de asinalos, para saber quen os deixa.
chuzame - 
