Hoxe estou ledo, non foi sorpresa, pero xa rematei de facer a miña declaración (e mais a da miña muller) e salíu a devolver.
En realidade xa sei que os cartos os pagamos durante o ano cas retencións na nómina. Ainda así, as nosas empresas calculan moi ben as retencións, e o resultado ten muito que ver ca hipoteca (amortizamos en decembro calculando para chegar case ó límite anual permitido)
Todo isto da igual, o caso é que nos van abonar uns cartos a maiores (xa se verá cando o ingresan) cos que non contábamos de todo. E xa teño decidido onde vai ir parte: hai que buscarlle un irmán a este portatil co que escribo. Non o vou retirar, que ainda ten que dar moita guerra, pero voulle buscar un compañeiro que vai estar permanentemente conectado á rede (non digo para que, que despois todo se sabe) con mais memoria, cunha pantalla mais grande, unha tarxeta de son e de video mais guapas, mais disco duro...o consumismo devórame.
Tiña pensado mercar un PC clónico, pero Turuto tenta convencerme de que merque un Mac, que o podo ter cun xestor de arranque cos tres SO (Linux, Mac e Windows) e que ten o que eu preciso. (Ademais de que o deseño vaille gustar mais á miña muller di el)
Neal Stephenson (falando no 1999) dicía que os de Apple eran grandes constructores de Hardware ainda que estiveran a piques de ir ó carallo como empresa. E agora os prezos non son os de antes.
¿Alguén ten algo que opinar? Pido consello se alguén mo quere dar:
¿Mac ou PC? Se merco un PC, ¿clónico ou "de raza"?
Sei que hai centos de foros nos que buscar este consello, pero faime ilusión que me deixedes comentarios 
A imaxe é a miña declaración (lista para ir cara á Facenda) escaneada cun multifunción que caeu nas miñas mans e estaba a probar.
chuzame - 
O venres fomos Ó Grove e pasamos alí a fin de semán cos amigos de sempre, como alí non teño conexión á rede descansou o blogue mais o portatil, que ben o merecen.
