Apocalipse do porco

Na páxina da que falaba antes, atopei tamén unha ligazón a este formulario para entrar voluntario como suxeito dun estudo.

O que persegue a empresa que fai o estudo é cambiar o sabor do seme mediante a inxesta previa de varios productos diferentes. Tamén é parte do estudo a parella do «doante», que é o que realmente fai a «proba» ó longo dos 30 días que dura o estudo.

Seica haberá un blogue da proba onde irán comentando a xogada.

O que queira que dea un paso á fronte.

Se tendes que humillar a algunha amiga, nesa web tendes unha sección para despedidas de solteira.

Pensando no problema que teño co linux ocórreseme unha comparación.

Collede un indio destes da amazonía que viven coma na prehistoria e facedelle un resumo de como se manexa un coche automático:

Colles o volante, metes a marcha, pisas o acelerador para avanzar e o freo para parar.

Sinxelo, ¿non si?

¿Lembráchedes dicirlle que metera a chave no contacto?

Pois algo parecido pásame co Linux, a axuda supón cousas elementais que non se me ocorren. Onte non fun quen de fedellar como ‘root’ (o puto amo) porque non se me ocorreo que cando estaba tecleando e non aparecía nada era só para que non puideran monitorizar o contrasinal.

A este ritmo dominarei o SO cando España gañe o mundial.

A imaxe é dunha páxina que me trae a mal traer (ainda que non estou certo se teño a culpa ou é polo meu equipo) Ainda agardo que a forza de tux guie o meu camiño.

Ben, non vou dicir que me sorprendera, xa teño falado disto.

Estivo ben que pasaran a primeira rolda, que así non lles cantan o de A por ellos, ooooeeee ó chegar a Barajas.

Tamén estivo ben que os eliminara Francia, que ten mais caché que Corea.

Non escoito a radio moito estes días e vexo poucas mais noticias cas de Chuza!, así que non sei o que estarán dicindo da selección agora que os eliminaron. Supoño que seguirá habendo quen dí que son os mellores do mundo e aparecerán os que digan que xa avisaran para deseguido sacarlle o pelexo.

Pequeno resumo:

Eran unha merda, pasaron a ser os favoritos con Brasil, os que facían o mellor futbol, e agora caen contra o primeiro que xogou un pouco ó futbol. Agora supoño que tocará outra vez ser unha merda até que empezen gañar amistosos, e volta empezar…

Non perdo a ocasión para dicir que o partido de Portugal contra Holanda estivo divertidísimo. Vou ter que ver partidos da NHL que abofé vanme encantar.

Copio unha mensaxe ó chou nun foro:

Onte puxeron na Cuatro un resumo do concerto aniversario dos 40 Principales e estiven vendo unha parte.

Non sei moi ben se semellaba un casting do superviventes (o de tele5, o de BolaExtra ten mais nível) ou unha gala especial de Desguace Musical. Abofé que a gala a podería patrocinar a SGAE porque estaban os de sempre (agás Teddy «Pirate eater» Bautista, ainda que como non o vin enteiro tampouco podo aseguralo)

Moitos deles arrastrábanse no esceario, amosando a súa escasa voz que non mellorou ca idade e case todos (con escepcións abofé) tentando aparentar unha idade que hai tempo quedou atrás.

Ter bandullo ou celulite está dentro do normal e mesmo é admirable non pretender amañar todo ca cirurxía, pero o que non pode facer un ou unha e vestir igual que cando tiña vinte anos e un corpo admirable.

Mención especial require Antonio Vega. A causa do seu deterioro semella evidente, pero así como Josele Santiago cambiou de vida e recuperou a voz e a saude, Antonio non ten moi boa pinta e non está nin para que faga coñas con el. Podedes velo no YouTube.

Da pinta que levaba Sabina xa nin falo.

Onte, venres 23 tiña idea de vir a Vigo para ver á selección española xogar. Estiben na casa navegando, lendo algo de banda deseñada, o que fai a xente cando non traballa: nada especial. Mesmo fixera a equipaxe para uns días e xa saía pola porta…
¿U-las chaves?
Deixei as chaves no coche…¿Como baixo até a garaxe? Non haberá problema. Malo será que non apareza ningún veciño…
Baixo.
¡Vaites! ¡A porta está pechada con chave!

Ring, ring, ring…
-¿Diga?
-Deixaches a porta pechada.
-Igual que fago sempre.
-…
-Se non esqueceras as chaves…

¡E ten razón!¡Para dar mais polo saco!

Vin o partido n’A Coruña, así estiven fedellando mentras tiña a tele posta, alomenos aproveitei, porque o partido…

Hoxe hai festa do Extrarradio no Playa Club, mañá contarán os que foron, eu vouno perder, que xa é AP9 de mais. Aproveitarei para visitar ó imán Semita que operárono e está ainda a se recuperar na casa.

¿Saira Mourullo do anonimato na festa do Extrarradio? ¿manterase como lurker no Mundo Real®?

Seguindo cas recomendacións de banda deseñada, outra que tampouco é novidade:

O Peter Pan que debuxou o francés Loisiel. Todo o meu coñecemento da obra de Barry ven da Disney, e non sei se aseméllase mais ó de Disney ou ó de Loisiel, pero este é mais escuro e mais adulto. Abofé non tanto como o de Alan Moore, pero está ben.

As persoaxes son mais ou menos as mesmas, pero tamén aparecen os pais de Peter Pan, explica a orixe do seu nome… A historia está mais desenvolvida, porque ten mais espazoo e non está  limitada polo público infantil.