Onte, o amigo Pawley, (que xa as vai buscando tamén) tivo a desagradable ocasión de ver na Galega o programa Antes do silencio.
Laiábase Pawley de que a canle pública galega fixera un programa imitando ó moi discutible programa de Iker Jiménez, cuarto milenio, e acababa dicindo que para o que viu onte, mellor era que puxeran porno, que faría menos dano á saude mental do país.
Collendo a reflexión onde a deixa Pawley direi que sería interesante que a Galega emitira algunha película pornográfica.
Xa sei que algún estará totalmente en desacordo comigo, e que a imaxe que da sexualidade dan as películas pornográficas non é a que unha televisión pública debe promover.
¿Pero cal é a finalidade ca que se criou a CRTVG?
Non, xa sei que en realidade foi unha ferramenta do poder político para chegar á poboación ca súa mensaxe propagandista, eu refírome á finalidade declarada da galega.
A finalidade básica da televisión e a radio públicas de Galicia é contribuir á difusión e normalización social do uso da língua galega. Non sei agora se está posto por escrito na súa lei reguladora (o supoño) pero se non está debería.
Fixo mais Shin Chan (que por certo, tivo mais sona aqui que no Xapón) polo galego nas escolas (e antes as tartarugas mutantes ou Son Goku) que calquera campaña que a Consellaría de educación poida artellar.
E, do mesmo xeito, o cine pornográfico podería contribuir á normalización dunha linguaxe sexual en galego.
Non me valen os argumentos morais fronte o cine pornográfico, pero acepto obxeccións de tipo ético para que un ente público colabore no seu espallamento. Ainda así, sabendo que internet is for porn, e que o que queira acceder ós contidos pornográficos vaino ter doado (mesmo os nenos) ¿que inconvinte serio hai á proxección en horario moi avanzado na noite de este xénero dobrado ó galego?
Hoxe, se cadra mais ca nunca, supoño que alguén quererá dicir algo. Acepto cambiar de idea se me dan bos argumentos.
Hoxe non vou poñer fotos. O que queira que se sirva.
Nada que obxectar a un programa divulgativo ao estilo dos xa vistos en TVE, pero tendo en conta todo o que implica o negocio do porno (agora algo máis normalizado pero até hai nada un mundo verdadeiramente sórdido), non creo que sexa unha televisión pública a máis indicada para a súa emisión. De facelo, o lóxico sería que se tratase de producións propias, con todos os controis posíbeis.
O que nunca entendín, porén, é que as televisións privadas non se botaran a emitir porno “de calidade” en aberto. Todas aceptan a emisión de “sexo light”, como esas producións ianquis de Zalman King que calza de cando en cando Localia, e todas se desviven por amosar tantos centímetros de carne humana como poidan, mesmo nos programas do corazón, con paparazzis nas praias á procura de peitos célebres e desvestidos. Por que non porno? Pareceríame bastante máis honesto.
Dixo por Martin Pawley 18 outubro, 2006 sobre 7:51 pm
Sen intencións pedantes, o seu sería que fosen con subtítulos, lóxicamente en galego. Dilatada é a grella como para non programar ducias de programas en galego (non dobrado).
Apertas.
Dixo por Matías Bruñulf 18 outubro, 2006 sobre 7:58 pm
Non vos meter co programa, que a presentadora ía na miña clase!
Dixo por ifrit 18 outubro, 2006 sobre 9:51 pm
Home, eu coincido con Pawley en que o porno non pinta nada na televisión pública, aínda que tería a súa graza escoitar a dobraxe.
Iso lémbrame ós tempos dourados do Xabarín, cando lle preguntamos a un responsable da programación infantil por qué non mercaban películas de anime e dixo que as vendían en lotes, e entón metían no medio cousas coma Urotsukidoji, e como a Compañía as acabaría emitindo nalgún momento (por aquelo de non tirar algo polo que se pagou) que o seu posto de traballo podería perigar e todo. ¡Aí queda o conto!
Ou sexa, que teremos difícil ver na Galega coma un demo con 3 carallos viola a unha moza co pelo verde (mira que inventan cousas raras estes nipóns).
Dixo por Marcus 18 outubro, 2006 sobre 10:08 pm
Pois teño entendido que no Friuli se considerou o cine pornográfico como un sector estratéxico para a normalización do friulano, e que polo tanto se dobraron moitas películas.
O que non sei é en que tipo de canle se emiten, se públicas ou privadas (quero pensar que privadas).
De todos os xeitos, o que en todo caso cumpriría garantir, máis aló de gustos e preferencias, sería a “dignidade” de todos os actores e actrices (pois é posíbel que aínda o mundo do porno sexa sórdido, como dixo Martin).
En resumo, pensando na lingua, sempre que se garantisen unha serie de cousas, non creo que fose mala idea.
Cando o porno é o negocio que é, quere dicir que ten público, polo que se chegaría a moita xente. Non é?
Dixo por Depósito 18 outubro, 2006 sobre 11:05 pm
De entrada, eu tería coidado coa idea de empregar contidos con éxito asegurado como medio de normalización linguística, non vaia a cair un “Aquí hay tomate” á Galega.
Pero non se me malinterprete, non vexo unha idea nada mala esa do porno, seguro que se convertía nunha das franxas horarias máis rentables para a TVG.
Dixo por F. Miguez 19 outubro, 2006 sobre 7:43 am
Eu non lle vexo ningunha pega a que poñan porno na TVG, pero non se pode xustificar coma un apoio á normalización do idioma porque estes filmes entendese igual en galego, inglés ou etrusco. Outra cousa é o de fomentar o uso da lingua…
Dixo por A Randeeira 19 outubro, 2006 sobre 3:59 pm
[...] O día que propuxen que se emitiran peliculas de relacións carnais na Galega chegáronme unha chea de visitas, non só pola chuzada e sair na portada de Vieiros, ainda hoxe chega xente na percura da reproducción visual de relacións carnais. [...]
Aviso (Pingback) por Apocalipse do porco » Eufemismos 23 novembro, 2006 sobre 1:02 am
http://filmesporno.blogspot.com/
Dixo por eu 24 novembro, 2006 sobre 11:15 pm
[...] Escribía fai uns días Ghanito sobre o porno na CRTVG como ferramenta de normalización da lingua. É necesario promover o vocabulario sexual galego. Non podo estar máis dacordo. [...]
Aviso (Pingback) por Gonzo - Xaime 15 setembro, 2007 sobre 1:09 am
[...] que non conseguimos porno na galega, reivindicade que internet is for por tamén en [...]
Aviso (Pingback) por Apocalipse do porco » Fodemillo: O tamaño importa 7 febreiro, 2008 sobre 10:10 pm
ben certo é todo o que dis. Xa que as campañas non logran conseguir nada, senón que o que logra conseguir o éxito do galego nas nosas vidas é o uso del mesmo nas series e peliculas que nos interesan e tomamos coma exemplo.
Dixo por eu 24 febreiro, 2008 sobre 4:34 pm
[...] normalización da lingua. Xa dixen hai case dous anos que parecíame mais efectiva a inclusión de porno na galega, e sigo pensando o mesmo, non hai mais que ver noutra franxa de idade o poder que tivo o [...]
Aviso (Pingback) por Apocalipse do porco » Manifesto 19 xullo, 2008 sobre 11:56 am