Hoxe fun, avisado por Mourullo e na súa compaña, á mesa redonda «Por unha televisión de e para os cidadáns».
Íamos atraidos pola presenza de Pereiro, e pagou a pena o paseo, ainda que houbo quen pode que non pensara o mesmo
O debate centrouse nun primeiro momento na televisión como servizo público, pasando polos modelos de financiamento das televisións de titularidade pública. Rollo serio. Neste momento das ponencias, o Director de Localia Televisión dixo que a televisión era un reflexo da sociedade, non sei se a súa vida terá algo que ver co Diario de Patricia. A miña ainda non. E pediu que as Tv públicas deixaran de poñer publicidade (non o dixo para que lles quedaran mais anunciantes a eles, debeu ser por outra cousa). O que se lembrou por varios ponentes foi o feito de que as televisións privadas están a dar un servizo público tamén. Son concesionarias prestando un servizo público, igual que as empresas que recollen o lixo (non, non teñen obriga de botar lixo pola televisión, ainda que o pareza)
Por certo, no medio da historia o moderador case morre, non teño imaxes do momento, estaba rindo ca narración que facía Pereiro nese intre do suceso mentres animaba ó persoal a gravalo e colgalo no YouTube.
Despois veu a coña cando se falou do futuro e botamos a lingua a pacer, que se YouTube, que se WindowsVista (gha, gha) que se o futuro da publicidade, que se o P2P, que se a TV en streaming… E mencionei ó Chuza! 
Sentados diante de nos estaban estes dous señores:
Por se ides preguntar, xa o digo eu: estaba o director da Galega e non lle propuxen que programaran porno, estraguei a miña mellor oportunidade. A verdade, busquei o momento e non apareceu. 
Ademais laiouse do que lle custara volver pasar os novos e o pouco eco que tivo, nomeadamente na rede, despois de anos de pedichóns para que o repuxeran. Se cadra non era o bo momento para iniciar a campaña pro-porno.
A verdade, a resposta na rede non foi masiva. Porén, eu lembro que no fedello se comentara a reposición ainda que non podo opinar porque a esas hora xa non estou para ver a tele, que hai que traballar.
Se cadra a explicación á falta de resposta friki débese á nova dobraxe, pois moita graza que a xente lembraba estaba na dobraxe que se fixera no seu tempo.
De volta á casa, parada técnica para tomar unhas cañas e comentar a xogada Mourullo e mais eu.
Xa cando marchabamos veu a miña muller e coñeceu a Mourullo, non era só unha fotografía no movil
non o podo evitar. agora, se penso en representantes dos medios, só teño a imaxa na cabeza da explotación dos bolseiros de xornalismo. que se lle vai facer!!!
Said by oko 21 Outubro, 2006 at about 10:36 p.m.
Debeu ser o momento televisivo de calidade do día: Mourullo coñecendo á Señora Colombo.
Said by Snob Neurotico 22 Outubro, 2006 at about 5:01 a.m.
Entereime tarde, infelizmente, porque tería ido de boa gana. Pereiro, Antón Luaces e David Martínez na mesma mesa: máis neuronas xuntas que en toda Antena 3…
Said by Martin Pawley 23 Outubro, 2006 at about 12:41 p.m.
Concordo em todo com Pawley.
E para a próxima avisade-me, que vou com vos!
Said by nemtele 24 Outubro, 2006 at about 8:39 p.m.
Ai, polo blog morre o peixe! Aínda que Mourullo non foi quen de responder coma un home na súa casa se era el o que estaba calado coma un peto agachado tras de Suso Iglesias, e mesmo se fixo o xordo cando deslicei arteiramente un «Mourullo?!» ó remate, agora xa estades fichados, chavales.
Hala!
Said by SHS 26 Outubro, 2006 at about 9:40 p.m.
[...] Ó sair da cea, arduina, despois de deixarnos ver ó seu mozo peludo marchou e nos fomos ó XXele, porque o Bathory estaba cheo de xente, alí os mais tomaron migrañas. Despois seguimos camiño cara ó desquite, onde atopamos un vello coñecido deste blogue, o señor Pancho Casal. Os bailes subidos a mesas ou asentos puxeron un toque ‘jolgorrio’ todos bailamos moito (e ben). [...]
Pingback by Apocalipse do porco » Blogocea no rodicio 30 Decembro, 2006 at about 1:53 p.m.