Supostamente o home é homo políticus.
Porén, arestora, os políticos profesionais pertencen a outra especie, o canis politicus.
Non aturo mais a liorta cotiá que montan as xentes do PP e do PSOE co gallo do terrorismo, os estatutos, a nación e calquera outra cousa que se lles poña por diante.
Suponse que os políticos son unha xente escollida (entre outras cousas) para chegar a acordos e gobernar, non para andar berrando coma se estiveran rifando nun bar.
Se queren estar así que marchen para casa e deixen o sitio a outros (e seu salario tamén, claro), penso que os cidadáns xa están cansos, mesmo a xente que antes seguía a política vai cansando do seu espectáculo, desta política feita para sair dez segundos no telexornal, sen mensaxes alén da descalificación, e sempre simplificada ó máximo.
Eu persoalmente estou canso. As cousas das que falan non son do meu interese.
A fame no mundo, o cambio climático, o problema global do auga, a contaminación, o esgotamento dos combustibles fosiles, problemas todos eles conectados. Ou noutra liña, o prezo da vivenda, o efecto da globalización sobre as condicións laborais. E outros problemas do estilo.
Non digo que o arranxen, ainda que sexa o seu traballo se queren estar aí. Digo que , cando menos poñan estas cousas, que teñen importancia real, no seu debate.
E se fan favor, deixen de tocar os collóns con tanta gilipollez.
Grazas.
chúzame - 
Dacordo, mais penso que o terrorismo e a distribución política do Estado, son temas importantes. O que ocorre é que estes elementos fan deses temas tráfico de votos. Lamentabel. Non fan o seu traballo como deben ou, alomenos, algún deses non fai moito por facilita-las cousas ós outros. Eu tamén os veto, zappeo co mando até perdelos de vista nas ondas.
Saúdos, meu.
Said por Anxo D. 14 novembro, 2006 at about 4:25 pm
A veces, penso que eses debates noxentos que se prolongan durante dias ou semanas, sobre cortinas de fume que os políticos proclaman como asuntos de estado, son en realidade cortinas de fume que teñen pactadas de antemán para se evitar o traballo de ter que solucionar os problemas da xente, que é para o que lle pagamos.
Said por F. Miguez 15 novembro, 2006 at about 4:18 pm
No fondo eres benévolo cos políticos. Político é, por definición, o que non vale para outra cousa que non sexa foder ós demáis, intentar chegar ás cuotas máis altas do poder, vivir do conto e escabullirse dos problemas da sociedade a ver se estos últimos se amañan sos, pola graza divina ou por unha intervención alieníxena.
Said por A Randeeira 15 novembro, 2006 at about 4:26 pm
[...] Ao fío, e subliñando as decepcións co escenario político, velaí unha recomenda vista no Apocalipse do Porco: [...]
Aviso (Pingback) por andaime :: Compangandas e berrallouzas :: November :: 2006 16 novembro, 2006 at about 12:21 am
Como din por aí, tes máis razón ca un santo. Supostamente o home é homo políticus, pero só supostamente…
Said por andaime 16 novembro, 2006 at about 12:23 am