O sábado fun a Pontevedra ó cultur.gal.
Houbo cousas que me gustaron e outras que non.
O que mais me decepcionou, igual debido á hora a que fun, sábado a mañá, foi a moi pouca xente que alí había de visita. Pregunteille a alguén nun dos postos se fora igual toda a semana e contoume que non houbera moita xente. Hoxe leo en Vieiros que tivo 10.000 visitantes. Non foi esa a impresión que eu saquei, mais alédome de fora unha impresión errada, con todo hai moito recorrido para un aumento de visitantes.
E pola contra, o que mais me gustou foi atopar alí unha chea de nenos escoitando como lles contaban un conto.
Aproveitei para mercar o home inédito, que estaba Meixide asinando exemplares, ainda que como había tan pouca xente, poucos asinou. de feito, se fago casó ó que me escribiu, fun o segundo descoñecido ó que lle adicou o libro. Como xa lle dixen a el, a ver se así o leo, porque en PDF baixeino, pero a miña preguiza dominoume. ¿Ou foi a procastinación?
O mellor da mañá, con moita diferenza, foi atopar ós pais dos pelachos, que foran con Pawley á feira.
Atopeinos cando eu xa marchaba e voltei dentro con eles escoitando un intre o Extrarradio. Foi unha sorte porque puiden ver a entrevista con Susana Rei, á que non coñecía, autora da curta Cousas de Kulechov e que pareceume moi interesante. Mágoa que non me coincidira a súa proxección, igual que tampouco puiden quedar para ver á tarde How soon is now? outra producción á que lle teño gañas. Se non se me poñen a tiro en breve haberá que empregar outros medios para poder velas.
E para rematar esta foto dun colchón pendurado na parede, nada que ver co colchón de Laureano Oubiña.
Descoñezo a autoría da frase, se alguén pode ilustrarme agradézollo.
O do colchón (e tamén o das camisetas que aparece na foto dos pais dos pelachos) é de Camilo Franco. Pertencen a unha exposición sobre o seu último libro, Palabras contadas, que estivo un tempo na Fundación Luis Seoane.
Said by Cau 14 Maio, 2007 at about 2:46 a.m.
Aínda ben que alguén nos informa! Estou a pensar, modestia á parte, que a divulgación de máis altura da Cultur.gal se está a dar no Blogomillo.
Said by Alfredo Ferreiro 14 Maio, 2007 at about 10:41 a.m.
Es o segundo que fala do fracaso de público. O outro interveu o sábado pola tarde e faloume diso en Vigo, escapando das poucas persoas que había. Quen leva razón?
Eu creo, con perdón para Pontevedra, que este tipo de eventos require dunha cidade grande: A Coruña ou Vigo.
Said by arumes 14 Maio, 2007 at about 4:08 p.m.
Non concordo para nada, arumes.
Non penso que sexa precisa unha grande cidade para encher un evento coma este. As veces case é ó revés, as cidades mais pequenas, mesmo as vilas son quen de encher grandes eventos facendo de anfitrionas de moitos visitantes, o exemplo clásico pode ser a feira de Banda Debuxada de Angouleme, unha pequena vila, que acolle o maior evento da súa categoría en Europa.
O que fai falla é mais promoción, porque as actividades as había e bastante atraíntes, alomenos para o meu gusto.
pode ser que co tempoo evento consolide, veremos o ano que ven…
Said by ghanito 14 Maio, 2007 at about 6:49 p.m.
O caso de Angouleme non pode ser exportable, porque é un polo de atracción de toda a BD do mundo, non da zona de Poitou-Charantes, terra de Ségolene Royal, como parece ser o cultur.gal. En todo caso, non lle vou quitar razón, por suposto, e ogallá teña éxito. Seica a feira do libro de Pontevedra é das que menos éxito ten, xunto coa de Ferrol. Non sei se é por xente, pero é para estudar e iso que teñen a mellor librería de Galicia. Pero, en fin. Estas cousas son tan impredecibles.
Said by arumes 14 Maio, 2007 at about 7:15 p.m.
O de Angouleme é unha cuestión de ambición, probablemente, e o mercado da BD francesa é moi importante, o que influe notablemente no éxito.
En calquera caso, penso que a promoción é fundamental para que haxa mais xente os primeiros anos, co tempo xa irá xente por si mesma. A demanda pódese criar, como ben saben os expertos en vendas.
Said by ghanito 14 Maio, 2007 at about 7:35 p.m.
parece que ao cultur.gal faltoulle unha xantanza
Said by opaco 15 Maio, 2007 at about 10:17 p.m.
para o ano, opaco
Said by ghanito 15 Maio, 2007 at about 11:10 p.m.
[...] lera de novo o que aquí deixara escrito sobre o cultur.gal 07 até hai un anaco, que vin o que puxera para [...]
Pingback by Apocalipse do porco » cultur.gal 08 9 Decembro, 2008 at about 2:39 a.m.