Onte puiden achegarme ó Vecchio para coñecer outros blogueiros que viven na Coruña (e un par deles de Compostela) ca característica de que todos escribían en castelán.

Era un grupo moi, moi curioso, bastante diferente do que conforma o blogomillo. Non sabería explicar exactamente onde estaba a diferencia, alén da evidente da lingua, porén diría que a maior parte deles podería pasar desapercibido nunha reunión do blogomillo. Non todos claro, e non só Chela por idade ainda que nunha xantanza do blogomillo viñera muralla co seu home, que podían ser da mesma quinta.

Dos que se apuntaran apareceron: Chela, Teresa, Rosa, Enrique, Meig, LordMax e a súa musa (que disque vai ven de abrir blogue logo), Nacho, Carmen(que veu ca súa filla), lamastelle, Juanjo, pjorge, NeKRoMaNT, (cos tres últimos nin sequera falei por estar sentados lonxe e marchar eu cedo) e Frank, que convocara a reunión no seu blogue. Non quedei co nome do rapaz que non escribe (ainda) o seu blogue e veu como lector ¿sería Alejandro?.

É mágoa non ter falado con Juanjo (do que me falou tan ben mais tarde ascarida), co Pjorge (dos poucos ós que lle coñecía o blogue antes de onte) e con NeKRoMaNT (a súa moza Meig caeume simpática).  Porén supoño que haberá nova ocasión de coincidir, porque a hora e media escasa que estiven con eles foi agradable e deixoume con gañas de mais.

Como ninguén se negou a sair nas fotos e mesmo se gravou un video para blogstv e veu un fotógrofo de El Ideal Gallego vou poñer as fotos da xente sen apagarlle as caras. Eu tentei agocharme para non sair moito (non o conseguín de todo seica :lol: )

aoutramesa.jpg

camara.jpg

tres.jpg

carmen.jpg

Chuzame! chúzame -