Esta visto que en España, os intentos de impedir a liberdade de expresión pola vía xudicial están saindo coma o carallo.

Despois da artistada de nonseiquen na casa real que acendeu un (soterrado?) clima de rexeitamento á monarquía temos o requerimento do avogado de YC para que os aduaneiros sem fronteiras retiren un deseño e os seus correspondentes comentarios.

Nos EUA estas cousas fanse polo civil e van moi ben. A xente actúa por medo ós perxuizos económicos. No noso sistema xudicial está claro que se non sacas cartos vai ser difícil que teñas que pagar unha indemnización elevada e para ir á cadea por unhas inxurias nunha paxina da rede non sei o que terías que facer.

Conclusión: señores letrados mándolles este cease and desist para que deixen de facer o ridículo. Ese tipo de maniobras legais aquí normalmente fan mais ruido do que facía o que vostedes pretenden evitar. Eu persoalmente non vira eses desafortunados comentarios de tan mal gusto nos que comparan a YC cun animal e a acusan de padecer un mal funcionamento dixestivo.

Con todo recoñezo que a min algo de medo si que me meten e cedería ós seus requerimentos. Por iso xa teño coidado de non chamar burro peideiro a ninguén.  Nunca o fixen e penso que nunca o farei. VSQN (vai ser que non)

Chuzame! A Facebook A Twitter