Hoxe cúmplense dous anos desde que escribín o primeiro post nun blogue chamado apocalipse do porco.

Hoxe non toca endogamia, toca embiguismo. Quedades avisados.

Non teño estatísticas de visitas no blogue de opera, as primeiras que teño son dos cinco meses que pasei no blogspot. Ainda hoxe chega algunha xente.

Estas son as estatísticas do blogue na Blogaliza, xa levo nesta casa mais de ano e medio.

Ollade na gráfica as caidas do servedor en agosto de 2006 e 2007 :D

Os usuarios únicos desde o comezo, empalmando as dúas estatísticas foron uns 44.700 que fixeron 74484 visualización de páxinas. Tenme intrigado por que o counterize, o contador interno que ten a Blogaliza conta moitísimas mais visitas: Desde mediados de xullo de este ano 25939 visitas desde IP únicas e 85460 visualizacións totais. En realidade, todas as estatísticas non significan nada, moitas das visitas chegan detrás de ligazóns a fotos da serie Heroes ou do meu bigode. Outros grandes exitos foron as musas do blogomillo e o porno na galega.

Moito mais orgulloso estou das ligazóns coas que me agasallan xentes que teñen outros blogues. Non son un blogueiro que provoque moitos comentarios nos lectores, porén gustaríame conseguir que chegaran mais, porque os desfruto moito, pero non vou ter fillos decote, así que non vai ser doado.

lembrades estas imaxes?

Estou satisfeito do que me descubrin co blogue nestes dous anos. Nomeadamente da xente que coñecín grazas a el, mais non só iso, tamén descubrín cousas sobre min.

Sen ir mais lonxe, o blogue foi un reto para miña constancia e nunca crín que duraría tanto, e agardo que non remate ainda.

Grazas por estar aí, se vós non estivérades, eu tampouco.

Chuzame! chúzame -