Entereime no medio dunha conversa profesional, un cliente comentoume que ETA matara a un ex concelleiro socialista diante da súa muller e a súa filla. Quedei frio.
Xa no coche, coma en tantas outras ocasións tristes a radio foi dando mais detalles.
No portal da súa casa, feridas na cabeza e no peito, sen escolta desde había non moito tempo.
Puiden escoitar bastante mais tarde a un amigo de Isaias cheo de dor e carraxe e entón escoitando falar da persoa que morrera, non do concelleiro asasinado, sentín un calafrío. Vinme a min mesmo nas mismas, ca miña muller e a moruncha, saindo da miña casa e morrendo alí mesmo.
No plano político non hai moito que analisar, porque un asasinato non debe ser analisado dese xeito, porén é evidente que estes feitos teñen as súas consecuencias (e xa pudimos comprobalo hai catro anos) e despois de escoitar a varias persoas chamando á participación cívica (que penso que é o que tocaba facer, ademais) dame que a participación vai subir mais do que se agardaba. E todo o mundo dicía que unha alta participación beneficiaba ao PSOE.
Síntoo moito pola súa familia, os seus amigos e todos aqueles que sintan medo despois de escoitar o que lle pasou.
Ten algún sentido esta violencia? Pensan eles mesmo que así acadarán algo?
chúzame -
Unha morte así sempre é triste e tonta.
Said por paideleo 7 marzo, 2008 at about 11:17 pm
son xente de esquerda (falso) e matan aleatoriamente, a quen lle toque. pistolas contra traballadores ou contra os que camiñamos pola rúa e tamén somos de esquerda ou máis ca nada traballadores e algúns nacionalistas tamén. a verba intelixente pode mudar o mundo, falar con mortes é signo de falta de ideas, fascistas.
Said por manel vazquez 8 marzo, 2008 at about 3:09 am
Pachi López (Patxi Lopez) Psoe impide que el gallego Don Mariano Rajoy Brey (PP) de el pésame a la viuda del asesinado.
Said por xatevas 8 marzo, 2008 at about 1:46 pm
[...] Março 9, 2008 por pepe Pensan eles mesmo que así acadarán algo? (in Apocalipse do Porco) [...]
Aviso (Pingback) por “Quedei frio” « Novo mundo 9 marzo, 2008 at about 10:18 pm
Hoxe, que xa votou a xente que quixo facelo, e cos resultados á vista, pódese facer análise da morte, non tan aleatoria seguramente.
Non tan aleatoria xa que esta xente ten sempre, sempre, varias opcións de distinto signo, quero dicir deste ou aquel partido, deste ou aquel Corpo de Seguridade, deste ou aquel lugar. Ten que ser fácil, no día axeitado e que teña consecuencias para todo-los participantes nas elecións, xa que teñen que se posicionar. ETA prefire falar co PSOE antes que berrar co PP. Así, con esta vítima os votantes do PP dirán “tiñamos razón, man dura”, os do PSOE dirán “é unha chamada de atención para voltar a falar”, pensando que sendo do PSOE subirán ós séus votos. IU ou vai cos nacionalistas ou cos socios nacionáis.
A política é unha merda. A todos lles vai ben que haxa medo polo rédito de votos nun ou noutro sentido. Se ETA non existira…discutirían só polo precio do peixe ou do leite. É crú pero é o que é. Unha merda grande como a bosta dunha vaca gorda.
Eu tiven o aquel de estar presente en varias mortes desas, e en varias explosións daquelas. Coma tí, a sensación de fraxilidade e de pensar primeiro na familia é o que predomina, anula os sentidos. No seguinte segundo voltas ó traballo. Alguén ten que facelo…
Unha aperta, meu.
Said por Anxo D 10 marzo, 2008 at about 3:39 pm
Repugnante, noxento, vomitivo,non hai que buscarlle explicacion politica, nin consecuencia, fano porque non teñen nin concencia nin nada parecido. Despóis de facelo, e de pagar co cárcere, non teñen remordimentos. Mataron unha persoa, acabaron cunha vida, Isaías non ten outra oportunidade, acabouse. Demasiado triste.
Said por brigantium 10 marzo, 2008 at about 5:31 pm
Unha magoa que inda haxa xente que pense que pode xustificarse a violencia :/ Saudos
Said por An 10 marzo, 2008 at about 10:10 pm