Escribo isto dun xeito rápido para confirma que finalmente pasei pola XGN aka (no meu caso) Senectude Galiza Net.
De camiño a Vigo e só unha hora, porén pasei.
E si, volvín entrar dentro da zona restrinxida aos participantes dun xeito case igual ao do ano pasado.
Estiven con María Yañez, fer, xornalistinha, Goretoxo, Andrés Milleiro, Sapviladiyo, anllo (sen recoñecelo) e Modesto.
Non poño fotos nen ligazóns, as ligazóns engadireinas, e as fotos quedan para outro día.
Hoxe no coche escoitaba a COPE (Si, escoitaba a COPE, non é un erro) cando sorprendeume unha cuña que dicía:
¿harto de la cultura progre?
Era unha cuña de Criteria Club de Lectores. Estiven mirando e atopei alfaias coma o libro Cartas a un joven español ou La ciudad que fue. Barcelona años 70 entre outras moitas de autores menos coñecidos.
A pregunta é a seguinte: coñecedes moita xente que empregue as expresións: progre e sociata con frecuencia?
A min parecenme unha expresións algo resesas, porén coñezo xente que as emprega case que decote.
Deixovos ligazón ao excelente catálogo de Criteria Club de Lectores onde atoparedes obras coma ‘Juicio a Darwin’, ‘El Presidente, el Papa y la Primera Ministra’ ou ‘Huid del escepticismo’
Non semella esta imaxe unha desas que empregan os Testigos de Xehová?
Que por certo convocáronme o outro día na caixa de correo física unha xuntanza a semana que ven non sei onde para falar de non sei que de Xesus (non anotei o lugar, data nen hora cando vin que me collía lonxe da Coruña)
Non sei o que temos nós no ollo. Non sei se temos unha viga ou unha palla. Con todo, estaredes comigo en que os americanos, falando de xeografía, xeopolítica e cultura xeral son uns fenómenos. E iso non quere dicir que aquí saibamos de todo e ben, pero o seu ten delito.
Se non o credes ollade este video (en inglés leguendado en castelán)
[kml_flashembed movie="http://youtube.com/v/QVbobdL3yi0" width="425" height="350" wmode="transparent" /]
É certo que aquí podería facerse unha enquisa semellante, pero non creo que a cousa fora tan terrorífica.
grazas por enviar o video, zeke 
Hai hoxe un mes envieille un correo á organización da Xuventude Galiza Net solicitandolle un pase de prensa para entrar.
Non sabía se me acreditarían ou non, e francamente tiña curiosidade por saber se o farían ou non.
Nun momento no que os medios de comunicación están transformándose tanto, un blogue é un medio de comunicación ou ainda non? Se me acreditaran a min, que impediría que lle solicitaran acceso miles de blogueiros? Cal é o límite entre un blogue e un medio?
Eu teño claro que isto non é un medio de comunicación coma entendo que o pode ser sono-tone, por exemplo. Porén é algo intuitivo e totalmente persoal, non vou dicir o mesmo de ningún outro blogue que non sexa o meu.
E ademais non penso que ser ou non un medio de comunicación stricto sensu sexa unha condición sine qua non (hoxe tocan atinismos) para que un poida estar acreditado e informar ós seus visitantes tan ben coma un medio ‘de verdade’ aportando outra perspectiva.
Pois ben, ainda non dixen o que respostaron. Primeiro vou reproducirvos a carta tal cual.
Bo día,
Son o autor do blogue apocalipse do porco. O ano pasado estiven na XGN coma visitante (non coma participante) e pareceume interesante para contalo.
Desexaría facer novamente o mesmo e poder escribir unha crónica para o meu blogue, pero desta volta desexaría estar acreditado correctamente para poder facelo sen ter que acceder coma o ano pasado.Descoñezo cal é a política de acreditacións da XGN, polo que non sei se é posible atender a miña petición, ainda que supoño que si.
Caso de atender a miña petición, comuníquenme os dados persoais que precisan.
Atentamente,
–
Ghanito
Decatádevos que non expliquei como accedín o ano pasado 
Pois ben, non contestaron. Pareceme unha falta de educación, por parte de quen fora que leu o meu correo, non respostar. Ainda que fora para xustificar que non me daban o pase de prensa. Pareceríame mal, non o vou negar, porén cada un goberna a súa casa como quere, mais isto de non respostar nun correo no que presentan así:
Se desexa máis información, pases de prensa para o evento, así como calquera tema relacionado coa prensa, pode poñerse en contacto en prensa08@xuventudegaliza.net
Paréceme fatal.
Por este motivo e en sinal de protesta este ano non irei á XGN.
Como coincide que esta fin de semana vou a Vigo tanto me ten, e menos mal que non me deron o pase de prensa, que veríame na obriga moral de ir e complicaríame a fin de semana. Mais esto eles non o sabían.
É evidente que os mais beneficiados coa concentración territorial do poder político (e por extensión o económico) son os cidadáns da Capital.
Este feito paréceme algo evidente, ainda que non o saco de dados obxectivos senon dun xeito intuitivo, non hai mais que ver o exemplo español, onde Madrid concentrou históricamente multitude de inversións, o que contribuiu o seu crecemento económico e favorece a implantación progresiva de mais e mais empresas cun efecto acumulativo (e autoxustificativo) polas economías de escala. Agora como a súa economía é mais grande poden chorar dicindo que contribúen mais ó mantemento do Estado. Non é relevante que a maior parte dos organismos estatais estean en Madrid, nin que as infraestructuras estean organizadas de xeito radial (e non en rede, o que favorecería á economía periférica).
Por iso é lóxico que en Madrid o PP conseguira uns resultados históricos despois de entrar nunca dialéctica de acusación continua e serrompespañismo. Caso de romperse España, eles serían os primeiros perxudicados.
Conste que o serrompespañismo ten o perigo de que pode pasar como a Pedro co lobo, pero no caso dos políticos cando un non confía no que din, deixa de crer calquera cousa que digan.
Pode que o erro fora estar catro anos con Acebes e Zaplana amolando co 11M-14M. Pode que Pizarro non fora tan boa idea coma semellaba nun primeiro momento (a Rajoy, que a min nunca me pareceu unha boa idea para atraer votos). E o de pelexarse coma cans pola súa cadeira con el sentado non foi o mellor favor que lle podían facer o par de abutres madrileños.
E xa metidos en campaña, pedir que haxa tensión para que a xente se anime e vaia votar semella un pecado menor que promover a abstención. Disque a pinta que da é menos democrática.
O PP que tanto falan de defender aos españois deberían deixar de pensar que España é só Madrid. Coma cando Esperanza Aguirre dixo que levaban Endesa para fora de España (e ainda estaba marchando para Cataluña, que non apareceran os alemáns para levalo fora de verdade). Despois non sei como se estrañan que desde ós extremos do estado aparezan movementos que se opoñan ao centralismo.
De seguir nesta liña, agrupando todo o voto desde a dereita até o centro e dinamitando as pontes cos nacionalistas (e hainos de dereitas tamén) non é estraño que precisen de maiorías absolutas para gobernar. Esa é unha vantaxe competitiva que o PP non debería darlle ao PSOE, entre outras cousas, porque estar sempre só da unha imaxe de extremismo que non penso eu que atraia ós votantes moderados.
Porén hai que recoñecelo: en Madrid arrasaron
Entereime no medio dunha conversa profesional, un cliente comentoume que ETA matara a un ex concelleiro socialista diante da súa muller e a súa filla. Quedei frio.
Xa no coche, coma en tantas outras ocasións tristes a radio foi dando mais detalles.
No portal da súa casa, feridas na cabeza e no peito, sen escolta desde había non moito tempo.
Puiden escoitar bastante mais tarde a un amigo de Isaias cheo de dor e carraxe e entón escoitando falar da persoa que morrera, non do concelleiro asasinado, sentín un calafrío. Vinme a min mesmo nas mismas, ca miña muller e a moruncha, saindo da miña casa e morrendo alí mesmo.
No plano político non hai moito que analisar, porque un asasinato non debe ser analisado dese xeito, porén é evidente que estes feitos teñen as súas consecuencias (e xa pudimos comprobalo hai catro anos) e despois de escoitar a varias persoas chamando á participación cívica (que penso que é o que tocaba facer, ademais) dame que a participación vai subir mais do que se agardaba. E todo o mundo dicía que unha alta participación beneficiaba ao PSOE.
Síntoo moito pola súa familia, os seus amigos e todos aqueles que sintan medo despois de escoitar o que lle pasou.
Ten algún sentido esta violencia? Pensan eles mesmo que así acadarán algo?
