O venres saín de traballar e voltei a casa.
Comín, fixen a maleta e revisei algo o Reader (finalmente estou adaptándome ben e abandoando o meu querido bloglines).
Cheguei a Vigo e fun dereito ao Vao para tomar algo cos meus amigos de sempre, de aló ao Calvario á casa da miña irmá e de volta a Bouzas a cear cos amigos no garfo.
O sábado fun almorzar con Melo e estiven facéndolle gasto na libraría (outra vez no Calvario), agardei por Turuto que pasou por aló e fun xantar a casa do meu irmán (outra vez a Bouzas).
Fago unha pausa para aclarar á xente que non coñece Vigo que Bouzas e o Calvario quedan en extremos opostos da cidade, debe haber uns 5 ou 6 quilómetros de distancia.
Despois de comer unha gran paparota (lentellas, lasaña de polo e pasta con peixe e lagostinos ao forno) cociñada polo meu irmán botei unha soneca e volteiá tenda de Melo para a tertulia friki.
Ceei con amigos do traballo de Vigo que vexo pouco últimamente.
E o domingo fun coñecer ó fillo dunha curmá que naceu o venres ('visita de médico', coma un lóstrego que non había que cansar moito a nai e fillo. Naturalmente a miña curmá non podía vivir perto dos meus pais. Porque os meus pais viven perto do Xeral, mais ela vive en Alcabre (ainda mais lonxe do que Bouzas). Despois da visita voltei para ver a carreira e comer cos meus pais.
Como xa sei que mais de un perderíase poño plano, cortesía do pdm de google (neste caso google maps)
no que o 1 está no Vao, o 2 no Calvario, o 3 en Bouzas, o 4 no Xeral e o 5 en Alcabre.
Para os que deran chegado aquí, subín a AP9 para casa e despois de ler parte das miñas novas adquisicións vin a final de Fama (parte 1) Podo dicir que comecei vendo Fama porque lle gustaba á señora Colombo, porén hai xa tempo que a seguía dun xeito mais ou menos constante porque estaba enganchado xa eu só.
O lúns paseino traballando á mañá e pola tarde puxen a actualizar a versión 8.04 LTS de Ubuntu (Hardy Heron). Non vou falar aquí de Ubuntu que xa o fai Enjuto Mojamuto por min, só dicir que tardou as de dios, moitísimo mais que baixar a iso e instalalo a saco, ainda que coa vantaxe evidente de que todo estaba xa configurado ao meu xeito, con todas as miñas aplicacións habituais instaladas.
Mentras acababa de baixarse a Ubuntu tiven tempo de ver a 2ª parte da final de Fama, que rematou á 1 e media da mañá.
Relendo o texto vexo que é algo coñazo, porén vai quedar así. Noutro momento porei ligazóns e pode que mesmo algunha foto, agora vou ver House. Semella que son telespectador de novo. Xa había tempo que non! 
chuzame - 
