Consumo consciente

Por se serve de algo dígolles a marca de leite que consumo eu: FEIRACO.

Pode que a algún lle resulte coñecida, é unha emnpresa do país. Venden só leite do país e pagan un prezo xusto aos productores.
Se tes problemas para chegar a fin de mes é normal que reduzan gastos, por iso o meu consello é que fales menos polo móbil e merque leite algo mais caro, é mellor para a economía do teu entorno e redundará en menor gasto estatal en subsidios que indirectamente tamén pagarás ti. Non vou dicir que sexa de mais calidade porque non o sei, pero mira que se ademais é mellor para a túa saude…

Este exemplo que poño non é mais que unha das caras podres da globalización. O primeiro mundo subsidia a venda do excedente no terceiro mundo facendo un dumping brutal que abafa aos productores e os forza a migrar cara ás cidades para converterse en man de obra barata en piores condicións laborais das que tiñan antes da intervención do primeiro mundo.
O que cambia neste caso, é que aquí facemos o papel de terceiro mundo, e tendo o poder coma consumidores de evitalo é unha mágoa non facelo.

Igual non era mala idea ler as etiquetas das cousas que mercamos, levaríamos moitas sorpresas desagradabeis.


10 Responses to “Consumo consciente”

  1. espello Says:

    Eu tamén tomo Feiraco, pero se cadra debería poñer mais atención ás etiquetas. E Larsa? É galega ou forma parte dalgún grupo empresarial que lles paga catro pesos polo leite?

  2. W. Sobchak Says:

    Concordo 100% Ghanito. A día de hoxe xa non somos nen cidadans, apenas somos consumidores. Eu hai tempo que practico eso que ti dis, se todos consumiramos de xeito consecuente poderíamos mudar un chisco as cousas

    @raiña larsa hai tempo que deixou de ser galega

  3. W. Sobchak Says:

    corto e pego da web de larsa [en galego, por certo] En decembro de 1997 intégrase en CAPSA xunto con Central Lechera Asturiana e Ato. Hoxe CAPSA é un dos maiores grupos lácteos do país e mantense como unha referencia en produtos lácteos sans e naturais.

  4. ascárida Says:

    Eu non tomo leite pero se translado esto a calquera outra cousa que si consumo… non me parece xusto que teña que ser eu, a última na cadea, a que teña que vixiar pola ética das empresas e do sistema capitalista.

  5. cãosemdono Says:

    Mire por onde resucitóu Vde. un vello debate sobre a condición colonial (ou non) da economía galega, que xa criamos morto ou alomenos enterrado…

  6. ghanito Says:

    ascarida, o que ten o poder nun mercado é o que toma as decisións. Se ti (e agregadamente todos) decides premiar os comportamentos éticos as empresas respostarán a iso. A teoría do capitalismo supón que todos na percura do noso interese individual faremos o mellor para a comunidade. Para unha vez que podemos empregar as leis do mercado no noso favor…

    cãosemdono, acho que o problema acó non é ser unha colonia, o problema é facer parte dun mundo globalizado no que os capitais circulan sen límites facendo valer a forza das corporacións sobre a dos cidadáns. Eles son mais fortes na situación actual, porén nós somos mais e se tomamos consciencia da nosa forza colectiva podemos equilibrar algo a pelexa.

  7. Toño Randeeira Says:

    Eu tamén son de Feiraco, por ser galega e por ser de calidade. Podedes ir por Ames, seguro que se chamades antes, os ensinan a fabrica.
    E dentro da gama de Feiraco, hai un produto moi especial que se chama UNICLA que se coida con moito esmero dandolle ás vacas aporte vitamínico natural a base de semente de liño que Feiraco se encarga de cultivar. O liño é moito mellor ca “soja” transxénica que a xente consume por que din que “cura todo”… mentira das gordas, todo o que leve “aceite de soja” transxénica é malo para a saúde pero o que leve “aceite de liño” é moi bo.

  8. odemo Says:

    Para compar eu sempre sigo este diagrama de fluxo:
    http://ceibes.org/zeta/?id=4

    Obra do amigo gatonegro.

  9. breogain Says:

    Eu tamén son consumidor de Feiraco, dende hai unha chea de anos, por galega, por defende-la nosa economía, porque tratan ao labrego con respecto e non coma Pascual ou Leite Rio (Lence cacique !!) e tamén porque dende hai moitísimos anos gostei de ollar o de LEITE DE GALIZA nas súas etiquetas.

    Un saúdo

  10. gatonegro Says:

    Eu tamén, claro, tomo Feiraco. Non soamente no leite, senón no resto de produtos que lles atopo (e que vou descubrindo polos estantes — véxase a nata/tona, que non está nada mal… Antes había iogures, pero fai tempo que non os vexo).

    Sobchak, non se trata soamente de que sexan galegos (que tamén) senón que ademais son, ao meu coñecemento, a única cooperativa láctea deste país, e iso para min case (case) é mais importante que ver o “Leite da Galiza” nos cartóns (que tamén da un gustiño aquel).

    ascarida, entendo o teu desgusto: a min pásame o mesmo polo outro extremo cando merco pasta de dentes. Se hai tubos que branquean os dentes, tubos que protexen as enxivas, tubos que evitan a caries, que dan alento fresco e nonseicantas cousas mais (todas boas)… Por qué non o meten todo no mesmo tubo? Por qué cona teño que andar a escoller entre dentes brancos ou enxivas sanas? Non será todo mentira?

    Pero é que vivimos nun mundo que non é como nos gustaría, senón como é. É lexítimo loitar porque sexa diferente — e iso, ascarida, créme que é moito mais cansado que decidir que leite mercar — pero no entanto non conseguimos cambialo, facer o mal menor significa tomar as decisións o mais responsables posibles.

    (Claro que dende unha teoría estrita do marxismo deberiamos de mercar os produtos que mais dano fixesen na economía e na sociedade, para propiciar as circunstancias históricas nas que o conflito floreza… Pero o materialismo dialéctico do meu estómago non da pra tanto.