Apocalipse do porco

Nacín no ano 1973 en Vigo e levo desde 2004 na Coruña. Estou casado ca marabillosa muller que dan en chamar señora Colombo e desde maio do 2008 temos unha filla que é a maior ledicia da nosa vida.

Nesta leria dos blogues comecei en decembro de 2005. Primeiro no Opera Community (unha rareza), despois no Blogger (un tópico), e agora na Blogaliza (un acerto).

Desde novembro do 2008 teño tamén un falangullo tamén aquí na Blogaliza: falabarato.

Se me coñeces hai moito, pouco podo contar, se me lees desde hai tempo xa sabes de que vai isto.

E se aterraches por casualidade, o mellor é que botes unha ollada. Escribo sobre a banda deseñada que leo, tamén ás veces do cinema que vexo. Conto as cousas que van pasando, coa miña famillia ou moitas veces con outras xentes do blogomillo e ilustradas con fotos ainda que as mais das veces tape as caras. Opino sobre as novas que atopo na rede, nos xornais, na radio ou na televisión. Tamén falo sobre a radio e a televisión de cando en vez e no falangullo de conceptos sinxelos de economía.

Esto encaixa bastante dentro da definición de blogue persoal, que é o mesmo que dicir que non teño un tema fixo e que falo do que me peta cada día.
Non teño viño, nin xamón, nin queixo, só podo ofrecerche o teu propio asento e apenas algo de conversa. Ainda así estás convidado á miña casa na rede sempre que queiras, e se fas o favor deixa algún comentario para írmonos coñecendo.

Grazas pola visita.