Apocalipse do porco

Marquen o día en vermello nos seus almanaques.

Vale, xa a Xunta encargouse de que o día estea marcado en vermello, porén póñanlle vostedes unha marca mais ó día 25 de xullo.

Non, non o marquen coma o día da Patria, nin coma o día do Patrón das Españas, o 25 de xullo é o día da Chuzarrascada™.

A xantanza a base de polbo, churrasco, viño, gasosa, LK e outras delicias dos usuarios de Chuza, por sorte non foi irrepetibel e o ano pasado pasámolo ainda mellor que o anterior.

Se un gran momento do primeiro ano puido ser a aparición do brownie feito na casa por Snob Megalove...

...non cabe dúbida que o momento mais recordado do segundo ano foi o encontro co Quin (e a ráfaga de fotos, menudos modelos están feitos estes chuceiros!)

A chuzarrascada™ é un evento aberto a todos os membros de Chuza, (e en realidade ós non membros tamén) porque consiste en achegarse ao Festigal o día 25 para comer polbo e churrasco (normalmente na 'Pulpería Pardo').

Eis o segredo polo que Chuza mola moito mais que meneame, digg ou calquera outra rede social: nós comemos churrasco!. Se ainda non estiveches, estás a perder unha boa, e se xa estiveches sabes que non a debes perder.

Non deixes que che conten o que pasou, nen sequera ler a crónica na apocalipse do porco é tan bo coma estar alí.

chuzame

Se lles interesa, non teño nada mais que engadir a isto.

chuzame

O 31 de maio disque vai haber unha xuntanza de blogueiros en Agolada. Coa pouca memoria que caracteriza a este país, será a primeira xuntanza de blogueiros. Debe ser que as anteriores eran xantanzas

A verdade é que o programa de festexos mete medo, hai unha chea de actividades, incluindo megafonía con palco e unha proxección multimedia na sobremesa. Estou certo de que o van pasar estupendamente con tantas actividades e probablemente batan o anterior record de asistencia de blogueiros, que non sei en que convocatoria foi

Anímovos a todos os que teñades blogue a achegarvos para facer unha crónica en condicións, e ainda estades a tempo de convencerme, ainda que penso que eu non vou ir porque para esas datas está previsto que a moruncha ocupe moito do meu tempo e non é momento para comprometerme un día enteiro (autobús incluido).

Se queredes saber mais do conto, aquí tedes o programa dos festexos que copio e colo do blogue da xuntanza.

11.30 Chegada á Praza do Concello de Agolada. Recepción con música do grupo de gaitas Bico da Balouta e da charanga infantil da banda.

12:00 nos Pendellos:
Saúdo e benvida a cargo da Asociación.
Intervencións libres dos blogueiros. (Saúdo, autopresentación, motivacións relacionadas coa xuntanza, lectura de poemas, etc.). Haberá megafonía e unha tarima-palco.
Poñencia sobre a actualidade dos blogs a cargo dunha ou varias persoas con experiencia neste tema (aínda estamos facendo xestións ao respecto. Publicaremos os nomes en canto os teñamos).
Intervencións musicais de Bico da Balouta, Charanga Infantil e A Zanfonista
Viños e petiscos.
Visita guiada polo recinto de Os Pendellos (Espazo que conta coa distinción de Ben de Interese Cultural).

14:30 Xantar de confraternidade no restaurante Agolada (estrada de Melide).
Proxección multimedia durante os postres.

17:30 Desplazamento en autobús ata o Sobreiral do Arnego en Carmoega (11 Kms de autobús). Percorrido a pé polo Sobreiral (máximo 4 quilómetros), zona protexida pola Rede Natura 2000 e declarado Lugar de Interese Comunitario (LIC).

19:30 Regreso aos Pendellos onde haberá varias actuacións musicais intercaladas coas palabras dos blogueiros que teñan a ben intervir.
Actuarán: Maruxa de Fuxan os Ventos, acompañada ao piano por Pablo Vázquez, director da Coral Polifónica de Agolada.
A Zanfonista (blogueira que cursa zanfona no Conservatorio Folque de Lalín).
Almudena Vidal (Guitarra) e Blanca Bello (violín), ambas profesoras de música e intérpretes na Xove Orquestra de Galicia. (Pendentes de que nolo confirmen)

Por último, as despedidas e deica o que cada un estime conveniente.

Pasádeo ben, e xa contaredes!

chuzame

Como saberán xa os que sigan o blogue, estou sen cámara. Por ese motivo non podo sacarme fotos para seguir o meme ao que amábelmente fun convidado con fer. Porén, ninguén dixo que as fotos tiveran que ser actuais.

Non, non vou poñer fotos na bañeira con menos dun ano. Existen, mais só analóxicamente e lonxe de mais para poder dixitalizalas agora mesmo.

Vou poñer unha foto do día no seguinte á homenaxe a John Balan en Pontevedra, (e do día no que coñecín a Snob por certo) na carballeira de Caldas, cultura quente ano 2006.

Que ninguén se queixe, que levo menos roupa do que fer. Ainda que recoñezo que o seu encadre era mellor, pero é claro que non fun eu o que sacou a foto.

Para compensar poño outra na que saco as pernas

Prometo poñer outra na que se poidan aprezar mellor as proporcións entre as pernas e o resto do corpo cando volva ter cámara (se é que non o esquecedes antes ) Ainda que o verdadeiramente revolucionario sería que sacara a miña cara, non si?

Convidar a este meme podería traerme problemas na casa se o fixera con catro ou cinco blogueiras, polo que serei políticamente correcto e farei coma co das mmmúsicas, convidando ao fodemillo e igual deixan que vexamos se teñen bo tipo: arrais, gaudeatrix, as minhas mulleres, as crónicas do palleiro e colixo.

A ver se aproveita o fodemillo a desculpa para erguerse de novo desde a súa tumba.

chuzame

Voltou! Tiveron que pasar oito meses para que on the rocks o podcast gravado en Carballo coa novísima locutora Pepa Arán, retomara a súa actividade. E o seu engado non é só a voz, as súas entrevistas revisan moito do indie estatal, neste hai unha entrevista con la habitación roja e un saudo de Calamaro.

Gardo boas lembranzas do concerto que argallaron no Silfo, a ver cando o repiten

chuzame

Onte tiven o inmenso pracer de asistir a unha sesión do programa do obradorio A Coruña Son '08. E non estou facendo alusión ós praceres dos que onte falaban en Chuza relacionados con outro Obradoiro mais popular.

Digo que foi un inmenso pracer por varios motivos.

En primeiro lugar porque aquilo estaba cheo de coñecidos. Ademais da xente de algarada (a empresa que está detrás de toda a idea) que fai parte (importante) do blogomillo, onte estaban tamén Noel Feáns dando a conferencia, Pawley a presentalo e no publico comigo mourullo (que estivo moi comedido e non falou no coloquio )

En segundo lugar a conferencia foi extraordinaria. Moi amena, cun ritmo estupendo, gran coñecemento da materia e o suficientemente prática para dar unhas pistas que calquera interesado poida seguir por si mesmo despois na rede. O coloquio foi tamén moi agradabel, por sorte comezou o director do obradoiro e centrouno en temas interesantes antes de que xente coma min empezaramos a dicir tonterías pretendidamente graciosas.

En terceiro lugar porque houbo unhas estupendas cañas con Leco, Goretoxo, Pawley e Noel.

E para o final deixo o detalle mitómano: o director do obradoiro como a maioría xa saberedes é Santiago Auserón. Un ghicho culto, moi curioso (preguntando sobre as cousas das que coñecía menos), moi agradábel e acesíbel. Recoñezo que pese ao ben que oira falar del por coñecidos agardaba que fora algo mais distante, ainda que supoño que o entorno facilitaba ainda mais que estivera relaxado.

Para os que estean interesados teñen varias opcións:

Mañá remata o obradoiro cun concerto dos autores participantes a partires das 19:00 no Palexco.

Todas as conferencias e coloquios van estar pendurados na rede na web de A Coruña Son '08 co que poderedes escoitar as que perdichedes. No caso da que vin eu, recoméndolla a calquera que estea pensando en gravar na casa. Seguro que levades algunha sorpresa, coma cando fala do material que emprega Projecto Mourente para gravar as suas cancións. Así tamén poderedes concordar comigo (ou non ) sobre a bondade da conferencia.

E naturalmente tamén tedes as cancións na páxina, o nível é moi bo. E non só o digo eu, disque Santiago Auseron quedou gratamente sorprendido polo nível dos músicos.

Igual vos sorprende que non poña fotos de onte...

Levei a cámara pero con todas as baterías descarregadas! Menudo tecnosexual de merda!

chuzame