Apocalipse do porco

O contador do Statcounter conta só as visitas á páxina que cargan, por iso onte baixaron. Todas as visitas chegadas desde un internet explorer recibía unha mensaxe de erro 403. Para saber de que estou a falar, le isto.

Eu comprobeino... desde o concesionario onde fun levar onte o meu ghanitomóbil á revisión dos 15.000 16.200 km. Os da toyota tiñan un pc conectado á rede e alí fun eu todo decidido a comprobar a eficacia do pluggin. Admito que digan que son un excentrico (toda a vida de dios se lle chamou excéntricos ós que agora se chama friki, podíamos seguir empregándoo :D)

Na casa non podería comprobalo, que (coido que) non hai versión de ie para linux 

Por curiosidade, as visitas medias segundo o statcounter este ano están sendo 127 únicas e 169 cargas de páxina diarias e onte foron só 54 e 72.

chuzame -

Copiando a lista que besbellinha fixo no seu blogue, estes serán os posibeis gañadores dos agasallos da festa:

Jan cruxens tangaranho An(tres veces) a rapaza do arco (dúas veces) seguro prosciutto (dúas veces) Regueifeiro W. Sobchak Almu zerovacas Sak turuto vacorinho(dúas veces) Manuel Rivas(dúas veces) dorfun Doutora Seymour(dúas veces) O_Fartura Anxo D ifrit opaco spaviladiyo F. Miguez Zeke Sugar Kane paideleo ak77 oko x Sol Costas ictioscopio Mr Tichborne

o prazo rematou onte e xa non se engadirán mais nomes a esta lista de 33 comentaristas (32 en realidade, que algún cambiou de nome nos comentarios ) no período fixado nas regras do concurso dos agasallos da festa. Contando as repeticións (e excluindo a besbellinha, que tamén me excluíu a min ) son 40 números que entran no sorteo neste blogue.

Ainda non sei o que me corresponde entregar a min e o que lle corresponde a besbe. Procuraremos no tardar moito en resolvelo porque o sorteo disque vai ser esta semana.

chuzame -

Desde hai un tempo o blogue vai e ven un dia si e outro non.

Desculpade polas molestias, é debido a un proceso de cambio no servedor tentando mellorar e que esta a ter indesexables efectos secundarios.

O erro que está ocorrendo é que se desconfigura o molde ou 'theme' do blogue.

Se coñecedes o xeito de poñervos en contacto comigo (sen ser nos comentarios, claro) e vedes o blogue desactivado facede o favor de avisarme, porque teño xeito de amañalo se o erro e ese.

Grazas e desculpade polas molestias.

Deixovos a imaxe de erro do twitter que a vin o outro día e gustoume. Ata para facelo mal hai clases

chuzame -

Según comenta no blogue a autora de http://ogrobe.blogspot.com/, desde o PP do Salnés tentan que se críe un rexistro para identificar ós autores dos blogues co seu DNI.

E deixa un enlace a La Voz de Galicia e ó seu propio blogue no que o tema queda explicado.

A miña opinión:

Procuro ser moi respetuoso co dereito á dignidade e a honra das persoas. Tamén, na medida das miñas capacidades, tento non faltar á verdade cando escribo no blogue.

Por se isto non abondara, como teño un número razoablemente pequeno de comentaristas (ainda que dea agasallos para que aumenten) podo eliminar cando é preciso os comentarios que eu entendo que son inxuriosos, calumniosos ou caparlle as ligazóns ó spam que non me fai graza (mesmo no spam hai castes).

Na miña experiencia de lector no blogomillo observo que a maioría dos blogueiros adoptan actitudes semellantes e non sería preciso ningún tipo de medida para evitar con eles ese tipo de delitos que o PP pretende evitar.

Simplemente gustamos de permanecer no anonimato ou semianonimato que proporcionan os blogues. Ós casos nos que algún blogueiro puidera violar a lei son poucos abondo como para poder denuncialos un por un se entenden que violaron a lei.

Ou habería que poñer tamén cámaras nas rúas para evitar os graffitis inxuriosos?

Se finalmente o PP consegue que se instale un Estado policial en España eu cambiarei dun servedor instalado en España a un instalado no extranxeiro, e unha vez aló non darei dado ningún para me identificar. Se entenden que cometín algún delito, que me localicen eles para denunciarme.

Porén, agardo que esa absurda iniciativa non teña futuro e que poidamos seguir opinando ca mesma responsabilidade que até o día de hoxe e sen medo a represalias mentras sigamos cumplindo a lei, como é o caso.

chuzame -

Non coñezo a ninguen que saltara en paracaidas.

Sen comentarios. Pasen e lean.

chuzame -

Comentaba o venres ca rapaza do arco, besbellinha e mario que este blogue, contra o que di besbe do seu, si que pretende ter unha política de privacidade.

Non é unha política completamente clara, (como poucas cousas hai claras nesta vida) porén hai unha verdade inmutabel (alomenos polo de agora): Eu nunca deixo ver o meu rostro.

Despois de deixar isto claro, e asumindo o imperativo categórico kantiano debería apagarlle as caras a todos os demais retratados no blogue. Houbo un tempo no que as 'bolachas' na cara eran sinal de identidade do blogue, e mesmo fixen unha peza de ChuzArte adaptandolle a cor a unha foto desas con 'bolachas'.

Como hai xente que gosta da súa cara na rede, e moitos teñen unha cara mais coñecida antes de sair no blogue do que os poida facer aparecer neste humilde recuncho do lercheo blogomilleiro (tomo nota besbe para montar o Aquí hai blogotomate) algunha xente empezou a aparecer ca súa cara sen 'bolacha'. Mesmo algún reclamara xa aparecer ca súa cara sen tapar (coma berto mentras o aduaneiro Panchez, que mesmo foi disfarzado á TVG seguro que agradeceu que lle tapara a cara.

Fagamos unha paréntes para lembrar a súa marabillosa aparición en somos unha potenzia.

Por iso, agora, cando sei que alguén aparece na rede deixolle a cara a non ser que me pida que lle poña unha bolacha na cara.

Pode ser que cometa erros coma o que me reclamou o venres a rapaza do arco, porén non son á mantenta.

Por último, se alguén aparece nas miñas fotos e non poño o seu nome, igual non lle tapo a cara, porque o caso é manter o anonimato do que o queira manter (que por iso empezou toda esta leria das bolachas). A non ser casos coma o do outro día que nunha foto do público (que non puxen) aparecían dous rapaces (os que non coñezo de nada) bicándose. Non vaia ser que non sairan do armario na casa e a súa nai lea este blogue.

As queixas e suxestións, coma sempre, nos comentarios.

chuzame -