Canto menos vexo a televisión mais penso que a programación non está mal.
ghanito (2008)
E viceversa (por desgracia).
Imaxinade o pouco que vexo da tele ultimamente que hoxe pasouseme un instante pola cabeza que entre todas as cadeas xuntas facían unha boa programación. O problema sería que estaría repartida entre todas elas.
Porén o verdadeiro problema é que está repartida entre todas, pero á mesma hora. E se queres ver a tele todo o día morres co noxo que dan.
chuzame - Moito do que recomendo aquí é froito do traballo ou a ocorrencia dos amigos. Hoxe non, e ademais vou recomendar algo que vos é tan puro mainstream que está no El-pais-punto-com.
E ademais coincide en animar á xente cunha das compras que xa dixen onte que ando planeando!
Se non seguides o blogue espoiler, igual esta entrada pode facervos cambiar de idea:
Tutorial para ver series en alta definición.
chuzame - O sábado comecei en Ourense ca lectura de apocalipse zombie, a novela de zombies do Manuel Loureiro.
Non a lin en papel, senon que a seguín coma foi criada, no seu blogue. A experiencia é mais que recomendabel, lese coma un folletín, cunha chea de cliffhangers ao final de moitas das entradas. Ademais a estructura do livejournal, que deixa entradas valeiras cando un día non se escribe nada permite recrear o ritmo da súa publicación orixinal sen ter que sufrir as insufribeis esperas de varios días.
A acción transcorre como din os de Dolmen nunha cidade española de provincias, pero non nunha calquera, a historia comeza nos arredores de Pontevedra e moita da acción ten lugar en Vigo.
O sábado estiven case todo o día lendo e, buscando no google algunha vella tasca en Vigo chamada a cepa vella, atopei este arquivo en PDF.
O domingo á mañá rematei as últimas 44 páxinas xa no PDF, e penso que o vou mercar para que o lea a señora Colombo, porque semella que esta interesada e gustoume abondo como para que mereza mercala.
Cando cheguei á casa o domingo á tarde púxenme ver Life on Mars, serie que tiña pendente, e entre onte e hoxe á tarde vin case enteiros os 8 episodios da primeira tempada. Aviso para televidentes a versión traducida ao castelán que emitiron os amigos de antena 3 está recortada segundo din aquí. Afortunadamente eu estaba vendo a versión orixinal leguendada, porque acabo de enterarme disto hai un minuto. A serie paga a pena ainda que só fora pola música e toda a ambientación de comezos dos setenta, grandisimo ano o 73, que boa colleita 
Estas sobredoses de cultura pop teñen algún sentido?
Pois si, porque se non acabara de ver todas estas cousas igual calquera día teño que aprazalas unha semana. Disque esta semana hai moi, moi, moi grandes probabilidades de que naza a moruncha. Así que calquera día teño que sair disparado de Carballo a Ourense
Se houbera novidades teríavos informados.
chuzame - Comentara o outro día que redes estaba na rede. Onte entereime que rtve.es ten unha beta pública.
Isto das Betas é algo que ten moita coña, todo o bo da rede ten que ser beta? Ten ese puntiño de modestia e 'en construcción' que predispón ao visitante a desculpar fallos, porén moitas veces para min sobraba.
A de RTVE é unha auténtica beta mentras non chegue esa manchea de horas antigas que disque están a dixitalizar. Polo de agora non se pode atopar todo, ainda que tampouco pescudei moito. Abondo para atopar Muchachada Nuí da semana pasada (que emiten tarde de mais para que o vexa no seu horario de emisión) que vin enteira e un par de episodios de Pocoyó que tamén estiven vendo.
Os videos teñen mais calidade do que o YouTube porque teñen o seu propio reproductor, non coma a RTP que sube os seus videos o YouTube (coma antes tamén facía TVE). A calidade permite ver os programas a pantalla completa
Entre esta novidade e o repaso que lle estou metendo aos videos de gato fedorento teño o meu cupo de televisión case cuberto na pantalla do PC. Agora mesmo completando a dose ás noites vendo Veronica Mars, aproveitando que a señora Colombo non está na casa para queixarse de que a vexa.
chuzame - Non estou a dicir parvadas, refírome ao programa redes de la2, o de Eduard Punset. De agora en diante podese ver xa on line en vimeo.
Cando comezou a súa andaina hai xa 12 tempadas alguén en TVE pensou que o título podía levar ó erro de pensar que falarían de mariñeiros e peixes, este dado anecdótico é unha pequena mostra do adiantado que este programa foi sempre.
Premios nobeis e moitos outros científicos de primeiro nível son entrevistados en redes.
Ademais nesta tempada o formato acúrtase até os 30 minutos, un tamaño mais que aceptabel para poder ver na rede, pequenas pílulas para estar ao día e ainda mais.
Se a calidade ten que emitirse mais tarde da 1 porque non ten audiencia agora é a oportunidade de que atope esa longa ringleira de interesados. Se de verdade existen, claro 
Vía: http://chuza.org/historia/a-12-temporada-de-redes-en-vimeo/
chuzame - É sabido que nesta casa somos fans de Belén Regueira (fagan a proba e poñan Belen Regueira no google), coido que é arestora a mellor presentadora da CRTVG. Por ese motivo e non outro hoxe estiven vendo o programa .
Conste que tiña esquecido o asunto e lembreino via un chío de Modesto no twitter.
Sabía mais ou menos que era un destes programas nos que falan os nenos, mais non lera enteira a noticia en chuza (que xa é pouco ler pensando que ademais voteina) polo que sorprendeume cando apareceu Suárez Canal. Nunca lle vira o dente que lle falta, debe ser porque nunca o vira sorrir Ainda que estivo moi 'institucional' e totalmente 'político' podería ir pior, Fernanda Tabarés (que é esta e non esta) pareceume que daba unha imaxe algo frívola (enténdase pija), ainda que debo dicir que foi unha sensación que eu saquei, non sei de onde. Isi na súa liña de sempre, hai a quen lle parece marabilloso e hai quen o odia (eu son dos que está do seu lado).
O programa pareceume ben para ser unha primeira emisión e supoño que irán retocando detalles. Impresionante a espontaneidade dos nenos cando tiñan a cámara a tiro para facer xestos e saudar.
E a miña primeira impresión non estivo mediatizada pola identidade da directora do programa (que descoñecía cando o vin), unha das rapazas mais riquiñas do blogomillo: María Yañez.
Só unha pregunta/suxestión:
É preciso manter ese peiteado de Belén Regueira?
chuzame - 
